Ang pinakakinatatakutan kong kataga ay yung mga nagsisimula sa paano kung. Maaring sabihin na dalawang ordinaryong salita lang ito pero kung may super powers ang mga salita, ito na yata yung isa sa pinaka-malakas. Bubulabugin nito ang isipan mo at pilit hahanapin ang kasagutang napakaimposibleng mahanap.
Paano kung…. Paano kung hindi ko piniling bitiwan ang isang bagay na dapat e ipinaglaban ko? Paano kung hindi ako lumayo? Paano kung naging maayos ngayon?
Kung ginawa ko yun… magiging masaya ba ako?
Pagsisisi. Sa pagsisisi ka lang hahantong. Kung hindi naman, mas malalaman mo kung ano na ang mas naging mabuti para sayo. Yung nangyari sa nakaraan o yung nangyayari ngayon… sa kasalukuyan.
No comments:
Post a Comment