Pag nagkalab layp, huwag kalimutan ang barakda. Tandaan, sila ang unang nagpasaya sayo noong wala pa siya. :D

“Ang swerte ko sayo. “

Nasabihan ka naba ng ganito? Yung grabe kagalak ang isang tao dahil at last nahanap na niya ang isang tulad mo. Sa dinami-dami ng tao sa buong mundo ikaw pa ang napili niyang sabihan ng linyang ito. Masarap magmahal ng taong proud sayo. Ng taong kahit di ka perpekto mahal ka parin nito. Pinagmamalaki ka sa buong mundo.

Mahirap mainlove sa taong gwapo/maganda.

Aminin na natin, pag ang isang lalake/babae ay gwapo at maganda, hindi maiiwasang maraming magkagusto sa kanila at magkaroon sila ng maraming tagahanga. Lalo na kapag may magandang ugali, talento at utak pa. All in one kumbaga. Ang dami mong kakumpitensya at karibal sa panunuyo mo sa kanya o di kaya ang daming babaeng nagkakandarapa sa kanya habang nililigawan ka niya. Pakiramdam mo maraming magiging hadlang kapag naging kayo kaya nagdadalawang isip ka. Pero hindi mo ba naisip na sa dinami-rami ng patay na patay sa kanya ay ikaw ang pinili niya? Ikaw ang napansin niya. Sa’yong kamay ang hawak niya at ikaw lang ang laman ng kanyang puso’t isipan. Magkasama kayong dalawa kahit saan tapos sila naka-nganga’t naiinggit na lang. Sa dinami-rami ng tagahanga niya, ikaw ang gusto niyang makasama at wala na siyang pakielam sa iba. odiba? :D

Pride. Yung sabon.

Ano bang meron at mayroon mga taong saksakan ng pride? Ang pride, inilulugar po iyan. Hindi po dapat tinataasan ang pride lalo na kung sa pinakamababaw na kadahilanan lamang. Sa aking sariling karanasan hindi ko alam ang salitang iyan. Wala ako niyan. Nilunok ko yan. Kinalimutan ko yan. Hayskul eh at isa pa mahal ko eh, pero mali pala. Ngayon ito lang ang sa akin: Sa ating mga lalaki at alam mong ikaw ang may kasalanan, wag mong subukan maging mapride, kasi ikaw na nga may kasalanan, ikaw pa may ganang gumanyan? Gawin mo lahat para mapatawad ka ng girlfriend mo. Sa babae naman, kapag nagawan kayo ng kasalanan, ilugar niyo pride niyo. Alam naman nating lahat ang mga babae napakasensitibo niyan at hindi sila kagad kagad bumibigay sa simpleng sorry ng mga boyfriend. Pero ayun nga, wag po natin hayaang magsawa sila sa pagsuyo satin at iwanan tayo. Tandaan, lahat ng bagay may hangganan. Lahat ng tao napapagod. Oo, sabihin nating, kung mahal tayo ng tao, hindi kagad yan bibitaw. Eh paano pag nagsawa na nga sa kasusuyo? Sa sobrang pride mo, iniwanan ka niya kasi nahihirapan na siya? Oh edi ngayon naman ikaw ang magsisisi at magsisimulang maghahabol sa kanya. Hinayaan mo siyang magdusa sa pagiging mapride mo eh. Hihintayin mo pa ba na mawala siya sayo at ikaw naman ang maghahabol para magkaayos kayo? Dapat maging maagap. Kung ayaw mong mawala sayo ang isang tao, pahalagahan mo.

The “fucked up” feeling

Ito yung pakiramdam na nalulungkot ka na lang bigla na hindi mo alam kung anong dahilan. Pakiramdam mo stressed na stressed ka, parang lahat ng bagay, wala sa tamang lugar. Minsan gusto mo na lang isigaw at ilabas lahat ng yun, pero hindi mo alam kung paano. Ito yung mga panahong kailangan mo ng tao na yayakapin ka at ipaparamdam sa’yo na magiging okay ka rin, na dapat hindi ka nalulungkot kasi sa pagkalungkot mo ay may taong nalulungkot din. Naramdaman mo na ba ‘to? Hiniling mo na rin ba na sana may taong andyan para sa’yo sa tuwing tinatamaan ka nito?

Princess!

Tignan mo yung gif, tignan mo ah. Kunwari tayo yan. Nakakakilig. Dapat mature na tayo kumilos pero nakakagawa pa din tayo ng mga bagay na pambata. Hindi naman kasi lahat ng gagawin mo ay seryoso, masarap yung pareho kayong masaya. Sa gabi ng kasal natin, yan ang gagawin ko. Kukuha ako ng unan at ihahampas sayo at syempre, hindi ka magpapatalo kaya kukuha ka din ng unan. At yun, simula na ng pillow fight. Walang katapusang tawanan.

Minsan hindi natin maiwasan na maging baliw at maging wala sa sarili tuwing kasama natin yung taong mahal natin. Dahil tuwing kasama natin sila, komportable tayo. Hindi natin maiwasan na mabaliw kayo dahil sobrang mahal niyo yung isa’t isa. Nagagawa mong maging komportable sa kanya dahil alam mong tanggap niya kung sino ka at siya lang ang nakakaalam ng buong pagkatao mo. Kahit na husgahan ka pa ng iba, tanggap ka parin niya at ikaw parin yung patuloy niyang mamahalin. ♥

Mark.

Nung pinapaiyak mo sya may lalaking nagpapangiti sa kanya. Nung binabalewala mo sya may lalaking halos ibigay na lahat ng attention sa kanya. Habang busy ka sa iba may isang lalaking inuubos ang oras sa kanya. Habang ikaw hindi na nagtetext may isang lalakeng tinetext sya. Habang ikaw binibigyan sya ng problema may isang lalaki naman na tutulong sa kanya para makahanap ng solusyon. Habang ikaw nagkakandarapa na iwan na sya may isang lalaki naman na gustong gusto syang makasama.

Para saan nga ba talaga ang title na mag’boyfriend/girlfriend?

Naisip ko lang na hindi naman ito gaanong kahalaga. Oo maaring sabihin ng ibang tao dapat maging kayo muna bago kayo gumawa ng mga sweet na bagay. Pero para saan nga ba ang isang entitled boyfriend o girlfriend kung hindi mo naman mahal o kahit gusto lang diba? This relationship is just a title. Wala, masabi lang natin na may relation kayo. Masabi lang na kayo, pero sa totoo lang ay nonsense naman talaga. Walang patutunguhan, walang mangyayare at kung ano pang negative things. Hindi ba’t mas magandang sabihin na, “mahal ko to” kasya sa “boyfriend/girlfriend ko ‘to”?

MinamahalKasiYan.

Ang lalaki, hindi yan isang tiga bitbit lang ng gamit mo, tiga hatid mo, etc. Minamahal yan fren. Hindi lang pangshow ang lalaki, kasi ung ibang babae, parang nagboboyfriend lang kasi para nga masabi na nagkaboyfriend sila, gets niyo? Hindi mo yan homeboy lang okay? Tsaka tao nga rin pala yan, may tropa, alam mo yon? Hindi lang ikaw ung buhay niya okay. Ang babae, hindi yan isang bagay na paglibog ka eh eto ung pagbubuhusan mo ng libog, grabe na kasi ung iba eh. Minamahal rin yan aba. Katulad din sa lalake, hindi rin yan pangshow, na kaya ka naggirlfriend eh para lang masabi nagka-girlfriend ka, ung para lang magkaroon ka ng kaPDA. Hindi rin yan laruan na kelangan mong kolektahin. Hindi rin yan chewing gum na pag natikman mo na, at ubos na ang lasa eh idudura mo na lang sa kung saan.

:)

Ano kayang pakiramdam nung makipag-usap ka sa ex-lover mong walang maayos na closure nung naghiwalay kayo? Masaya kaya? Nakakakaba? Siguro nga nakakakaba, kasi di mo alam kung sya pa rin ba yung taong minahal mo dati. Di mo alam kung ganun pa rin sya. Di mo alam kung napatawad ka na nya. Nakausap ko siya the other day and it was a good convo. A friendly talk. At, oo. Namiss ko sya. We even talked about our present love lives. Gusto ko pa din siyang maging kaibigan. Pero alam at dama mong iba na eh. Kasi hindi na kayo yung dating kayo. But thanks to her, if it wasn’t for her I’ll never be who I am today. :)

Ang Bonding.

Sa isang relasyon mahalaga na nagkakaroon kayo ng bonding, na kayong dalawa lang. Mag-uusap kayo ng seryoso hanggang mapunta na sa mga katatawanan. Alalahanin niyo yung mga panahon na nasa ligawan palang kayo hanggang sa kung paano tuluyang naging “kayo”. Sabihin niyo sa isa’t isa yung mga bagay na gustong gusto mo sa kanya pati na rin yung mga iba na ayaw mo pero tinatanggap mo pa rin naman. Ilarawan mo kung gaano mo siya kamahal. Mas mapapatatag ang relasyon niyo kung open kayo sa lahat ng bagay, dapat sa maliit na bagay eh kaya mong iopen sa kanya, wag kang mahihiya sa partner mo. Huwag na huwag mawawala sa inyo ang bonding, mas nagpapatibay yan ng relasyon. :)

TADA! “Isang babaeng malungkot.”

Ano gagawin mo? Anong sasabihin mo sakanya? Tititigan mo na lang ba siya at wala kang gagawin? I-comfort mo naman siya, iparamdam mo naman sakanya na handa kang makinig. Tanungin mo kung bakit siya malungkot at kung sino ang naging dahilan kung bakit.Siguro kailangan mo pa syang pilitin ng ilang beses para lang sabihin niya. Isang babaeng malungkot dahil sa kanyang boyfriend. Ingat ka dyan, boyfriend. Malungkot ang girlfriend mo, kung sino ang nag-cocomfort sa kanya ng todo baka ma-fall sya bigla. Ganyan kasi eh, may mga babae mabilis ma-fall dahil sa mga ganyang lalake. Kung malungkot ang girlfriend mo, tanungin mo kung bakit hindi yung “OK” lang ang sasabihin mo. Nakakasakit yun sa girlfriend mo, parang hindi ka na nag-aalala sa kanya. Isang babaeng malungkot dahil sa kanya boyfriend. Kung ikaw pinapaiyak at pinapalungkot mo lang sya, eh aba hindi maganda yun. Boyfriend ka eh, hindi mo role yung paiyakin mo sya ng todo.

Babae?

‘Yung taong pinakamagaling mag deny. Grabe mag-inarte. Laging tamang hinala. Kung magselos, sobra at nakakapikon. Palaging praning. Kung manghuli tinalo pa ang pulis. Kapag may gustong malaman, tinalo pa ang imbestigador. Kung mag- alala kala mo sya nanay mo. Pero pag sila inibig mo ng tapat at minahal mo ng totoo. Gagawin ka nilang sentro ng buhay nila at guguho ang mundo nila sa sandaling iwan mo sila. At kahit ganyan sila, dapat silang mahalin, alagaan at wag na wag sasaktan. Dahil boys, aminin man naten o hindi, sila yung tipo ng taong hahanap-hanapin niyo at kukumpleto ng sa buhay naten. :’)

Ang buhay naten ay parang isang byahe.

Parang roadtrip. May mga punto sa buhay natin na ang smooth ng byahe. Walang traffic. Dire-diretso lang. Pero meron ring punto sa buhay natin na dadaan tayo sa isang bumpy road. Mabato. Walang kalsada. Traffic kasi may mga nakaparada sa no parking area. Hindi ko kayo gustong turuan ng mga road signs o traffic signs o kung ano man. Isang metaphor ang ginamit ko. Lahat tayo may pinagdadaanan. Lahat tayo naranasang masaktan, maiwan o mawalan. Yun ang bumpy road ng byahe natin. Pero kahit dumaan man tayo sa ganung lugar, darating din ang panahon na makakaranas tayo ng smooth na byahe.

Kung sino pa yung sandali mo lang nakilala at nakasama, sila pa yung may malaking impact sa buhay mo, sila pa yung pag umalis feeling mo, may kulang, kasi kahit sandali mo lang silang nakasama, nakagawa sila ng mga bagay na naging dahilan kung bakit sila naging parte ng mundo mo. :)

Cess.

Pag masaya ka kasama ang isang tao, hindi mo na talaga maiisip kung anong oras na, kung anong dapat mong gawin, kung bakit may ganito at ganyan at kung anu-ano pa. Dahil sa mga oras na kasama mo yung taong nagpapasaya sayo, parang wala ng ibang mas mahalaga pa at parang wala ka ng segundo o minuto para mag-isip pa ng iba. :3